'Te Hemonga o Taurua Te Tawaroa', Te Patukirikiri, Waiau (Coromandel), 1856
Published Te Karere Māori, 1857, Vol 3, No. 1, p. 7 TE HEMONGA O TAURUA TE TAWAROA Nui atu te panga o te pouri ki te ngakau mo te matenga o te rangatira o Te Patukirikiri, e noho ana ki Waiau, a Taurua Te Tawaroa Makuini. Ko to matou hoa ka mate nei no te whakatupuranga tangata e piri ana ki te taha Maori, whakawhirinaki ana ia ki runga ki nga tikanga o nga tupuna, no konei pea i karangatia ai e nga Pakeha ko Te Ruruhi Makutu. Otiia, he nui tona whakahoatanga ki nga Pakeha katoa, a, nui atu tona hiahia kia piri nga whakaaro ki runga ki te kawanatanga o tenei whenua. Kua nui te kite o te kaituhituhi o tenei pukapuka i nga mahi o Taurua, a, e whakaaro ana ia ko nga tikanga katoa o tenei wahine rangatira i kitea e ia, i haere i runga i te pai. I te huihuinga nui i Patapata i Waiau mo te koura, ko nga korero o tenei kuia rangatira i waiho hei mea ahuareka mo te tokomaha; otira, kahore i pera te tika o te whakaaro o te tokomaha ki runga ki te kawanatanga me ta Taurua. Ko te kai